رجاّل متزوّج 4 زوجات:
الرابعة بحبها كتير و عاطيها كل إهتمامو، أحلى ثياب و أحلى هدايا و… لكن منو عايش معها
الثالثة بحبها لكن أقل من الرابعة، كمان مش ساكن معها بس كل ما يتعب بيروح لعندها و بيشكيلها وبتحفظ أسراره و تنسي همّو
الثانية بيحبها و كان معها كل ممتلكاتو وأموالو و كمان ما كان ساكن معها
الأولى ما كان يحبها ولا يعتني فيها وحتى ما يطّلع فيها مع أنو هي كانت كتيييير تحبو و تعملو أكلو و تغسلّو ثيابو وتهتم في و.. و كان عايش معها
نهار راح عند الطبيب و طلع معو مرض خطير كتير و مش باقيلو إلّا كم يوم. رجع على البيت زعلان و جلس يفكر، وقال لحالو أنا متزوّج 4 وما بدي موت وحدي، بدي زوجة واحدة ترافقني..
راح وقال للرابعة، أنا بحبك وكنت كتير منيح معك، أحلى لبس و أحلى عناية، بتقبلي تروحي معي؟ قالتلو أكيد لأ، أنا معك لتموت من بعدها أنا بدبّر حالي ما تعتل همّي
سأل الثالثة قالتلو لأ، أنا بوصل معك على القبر ومن بعدها بكمل حياتي طبيعي
سأل الثانية قالتلو أنا بعد ما تموت دغري رح صير لغيرك
وسمع صوت بقول: حبيبي أنا بروح معك مطرح منّك رايح، ولتفت و شاف شخص نحيل ضعيف : زوجتو الأولى..
كل شخص منّا مزوّج 4:
الزوجة الرابعة هي جسدنا المنحبّو ومنهتم في أحلى أهتمام
الزوجة الثالثة هي أهلنا و كل يلي من حبهم. بودعونا على باب القبر و بكملو حياتن
الزوجة الثانية هي أموالنا و ممتلكاتنا, أول ما نموت بيورتن غيرنا
والزوجة الأولى هي روحنا يلي ما منهتم فيها مع أنها رح ترافقنا من بعد مماتنا…
يا ريت منهتم على هل الأرض بروحنا يلي رح ترافقنا بحياتنا الثانية وبتنجينا من نار جهنّم وما عاد منهتم بالأموال والجسد يلي رح يصير تراب من بعد مماتنا