قربت سمكة صغيرة من سمكة مسنة وسألتها
انت اللي اكبر مني وعندك خبرة اكثر مني رح تقدري اكيد تساعديني
قوليلي وين بقدر لاقي اللي اسمه المحيط؟؟ فتشت وين ما كان وما لقيته
المحيط؟؟ قالت السمكة الحكيمة! ما انت عم تسبحي فيه
وتطلعت فيها السمكة الصغيرة بخيبة وقالت
هيدا؟ ما هيدا مَيّ وانا عم فتش عالمحيط. وحملت حالها وراحت تكمل تفتيشها
ونحن كمان مرات كثيرة منسبح بقلب النعمة وبتغمرنا لدرجة انه ما منعود نميزها